Naskah Bapandung "PINTAR-PINTAR MAMAKAI MEDIA SUSIAL"

 

PINTAR-PINTAR MAMAKAI MEDIA SUSIAL

"Beruhuy Loekaas"

 

PANTUN SYAIR :               

Ada urang manimbang bawang, manimbang bawang tuju ka ilir

Ini bamula handak bapandungan, kalawan bismillah mambuka pandir

 

MEMAKAI PAKAIAN SEKOLAH DAN TAS SEKOLAH MASUK KETANGAH PANGGUNG

 

PELAJAR LAKI-LAKI : Halo halo halo, halo bro, halo sis. Kayapa habar buan pian berataan. Sihatan aja kalo lah. Nah ulun disini hadir sebagai pamandungan, tapi sabalum ulun bamula bakisah. Ulun handak maucap salam pambuka sagan pian berataan, muhun di sahuti akan lah. Uyyy uyyy urangnya. Assalamu alaikum warahmatullahi wabarokatuh. Nang manyahuti salam ulun, ulun doakan masuk surga. Nang kada manyahuti ulun doakan masuk ruang BP, hehehe, kada kada. Bagaya aja.

 

Langsung lah, ulun bapandung disini membawakan judul Pintar-pinta mamakai Media Susial. kira-kira ah tahu aja kalo sudah wan media susial. nang kaya ini nah itu Tik-Tok (bergaya video tik-tok viral), nang kaya ini nah posting di Instagram (bergaya pose foto yang viral). Imbah tu ada jua nah nang  posting di Facebook. Kayapa lah gayanya, kayapa buhannya tahulah Tapi biasanya bubuhan guru-guru nang katuju bafisbukkan nih, kira-kira aja pang lah. Lanjut gin lah.

 

Nah ulun sebagai siswa disini handak bakisahan tantang kawan ulun, inya di kiau udin. padahal ngarannya bujurnya tu Roni, tapi karena di kelas ulun ini banyak nang bangaran roni jadi kami kiau udin, udin sambur kami galari. Inya katuju nyambati urang aja gawian. Jadi tahulah pian si Udin ini katuju banar mengomentari postingan urang, bila ada yang upload foto di komentarinya SAMBIL BERGANTI PERAN MENJADI UDIN YANG MEMAKAI TOPI DI MIRINGKAN DAN KACAMATA HITAM DI HIDUNG TAPI TETAP KELIHATAN MATA jadi si udin ni pas scroll-scroll tiktok melihat ada video kawan bejoget disambatinya, jadi jar udin “uma ngini bejoget kaya ular kobra tamakan linggis. Karas kada bagarak” hen saikung dah kana komentarnya, imbah tu ada pulang babinian meupload foto di Instagram di komentarinya pulang “nah ngini, muha putih, gulu hirang. Kurang kah duit nukar skincare” nah kaya itu inya mengomentari.

Dasar kada balampu si udin nih. Akhirnya iya sampai bagalar udin sambur. Saban hari di medsos inya aja nang tukang sambur. Kakawanan tatawaan aja pank pas ini manyambur, tapi Inya kada bapikir menyambati kakawanan di medsos. Bangga kalo lah, Dikiranya  lucu kalo lah. Hanyar tadi ada pulang foto kawan dikomentarinya “kada papa sepatu ikam murah, yang penting jangan larang pada ampun ku” ujarnya, heh ae kada kataguran tupang si udin

 

(SAMBIL MELEPAS TOPI KEMUDIAN MENGAMBIL ROK DAN KERUDUNG DI DALAM TAS) nah selain si udin ada jua nang bangaran Konah, inya katuju banar main tiktok, yang dicarinya skincare katia skincare. Imbah nukar di ulahnya video review kisahnya Makai skin care (GAYA PINA CENTIL, SUARA HALUS DAN TANGAN SEOLAH MEMOLES MUKA.)

“Hai guys~ hari ini aku mau review skincare viral dari TikTok. Katanya sih... 3 hari langsung glowing!” nah kaya itu ujar konah nih. Sekalinya lah Hari pertama: masih oke., Hari kedua: mulai gatalan muhanya. Hari ketiga: muhanya nang kaya di kipik lawan tapasan, batual tual! Jadi sawat habang muha konah ini nang kaya dipupuri lawan saos pentol. Mahabaaaaaaang…iya kajadian parcaya lawan iklan pang “No Pain No Glow” hen sekalinya “no otak, no Kulit..emmm Mahabang” baik nang pasti-pasti aja sabun gen jadi aja sudah, kulit anum ni baik saparlunya haja. Tapi sukur jua lah mahabang kaya hero marvel. Daripada kaya thanos UNGUUUUUU. Hen macam-macam bisi kawan kaya ini.

 

NaH ada lagi kawanku nang saikung (SAMBIL MELEPAS KERUDUNG WAN ROK, IMBAH TU MAMASANG ROMPI SWEATER DAN TOPI SEKOLAH) Ngarannya ijul. Katuju banar menshare berita ke grup wa sekolah sampai kepala sekolah aja di WA nya jua, dapat dimanakah kakanak tu dapat nomor sidin. Jadi pernah inya menshare di WA GRUP. Jar Ijul “unda ada dapat info eksklusif dari grup WhatsApp keluarga”.

Katanya: “Minum air dingin bikin hati membeku.” “Kalau ketemu ular, pura-pura jadi semangka.” Hen nangapakah kita ja kada paham, inya asal share share aja. Mehibaki pemberitahuan aja. Jadi jar ijul lah “unda ni keren banar, unda nie penyebar fakta banar”. Sampai ada jua inya menshare berita:
“Sekolah diliburkan karena ada pocong di kantin.” Daur saalaman sawat Kepala sekolah mangiau ahli supranatural. Limbah tu kiau lah kuitan ijul ke sekolah. Jadi jar ijul  “ulun kopi paste apa yang ada di WA grup Keluarga jua.” Nah mulai itu, ijul dikeluarkan pada grup keluarga nya, pina nya pang lah sudah dicoret dari daftar pewaris harta warisan. Kasian-kasian-kasian

 

(SAMBIL MELEPAS PAKAIAN YANG ADA DAN KEMBALI KE PAKAIAN PELAJAR YANG PERTAMA KALI)

Hen tia tahulah buhanmu Medsos itu seru, rami. Tapi bila kada bahati-hati... bisa jadi sumber semua masalah .

Dari body shaming, skincare abal-abal sampai berita hoaks.

 Jadi lah.  yuk, jadi pengguna medsos yang:

Bijak, lain beringas. Ngakak, tapi nggak nyambatin.

 

Sama kaya kisah si Udin sambur tadi, pas inya memposting foto, harau disambati urang jua inya “gigimu berlubang, kasi tambal wadah amang utuh”, “gagahnya ikam din, kepala nangkaya adudu “kotak-segi ampat” tatangis udin sampai lubang hidungnya babanyuan jua. Iya am body shaming itu kada hagan jadi bahan bagayan, itu senjata. Nang menyambati itu penjahatnya

sudah gin lah, cukup tiga ikung gen ulun kisah akan, kena ulun masuk gibah pulang bakisah kabubuhan pian, karena waktunya jam masukan ulun izin pamit ae nah. Sebuting lagi ulun minta maaf minta halal minta ridho bila ada kesamaan kisah nang maulah hati pian tasinggung. Berelaan lah. Inggih. sabalum masuk ke kelas ulun bari pantun dlu lah.

 

PANTUN PENUTUP

Minta duit handak makan bakso. salanjutnya Kita tulak baimbayan

Minta maaf minta halal minta ridho. Akhir kata Kita berelaan

 

WASSALAMU ALAIKUM WARAHMATULLAHI WABAROKATUH