BAPANDUNG "MUNTUNG KADA BATATA"

 

MUNTUNG KADA BATATA

Di Adaptasi Oleh Beruhuy Loekaas 

(PANTUN SYAIR : sabuah bilah andak barata, diatas wadah diamparakan

                                sabuah kisah handak bamula, dengan bismillah diucapakan)

 

MEMAKAI PAKAIAN SATPAM DAN  MEMBAWA BUNTALAN KAIN MASUK KETENGAH PANGGUNG. TELAH DISEDIAKAN SEBUAH KURSI

PAKAIAN SATPAM : Uy urangnya, uyyyyyy urangnya. Handak baucap salam dulu nah hagan pian, sahuti lahhhh. Assalamu alaikum warahmatullahi wabarokatuh. Mudahan nang manyahuti lakas masuk surga. Amiiin? Amin. Tapiam ulun badahulu lah.

 

Nah kaini lah, ulun handak bapandung hari ini nang bajudul Si Muntung Kada batata. Tahulah pian muntung? Muntung itu basa enggresnya Mulut. Hagan pamakan, hagan bapandir, hagan manggusip. iyakah babinian, ibu-ibu – bapa-bapa semua yang ada disiniiiiiiiiii? Nah jadi ulun minta halal minta ridho bila ada kasamaan ngaran, kasamaan tempat, atau kasamaan alur dalam kisah ulun ini.

 

Nah ulun sebagai Keamanannya di kampung Konoha plus anam tiga ini handak mengisahkan wan pian tantang si Nartu nang liwar panyambatannya khususnya si Yuga kawan Sakulahnya. SAMBIL MELAPAS PAKAIAN SATPAM BEGANTI PAKAIAN PELAJAR SEKOLAH manyambati kuitan urangnya lah, Manyambati urang awaknya nang hiranglah, pukuknya hibak muntungnya aja.  jaka muntung tu kawa bapaculan ku pacul tupang muntung si nartu tu. MELETAKKAN BUNTALAN KEDEPAN KURSI nah ini nah, muntungnya, kuandak disini MELETAKKAN SESUATU KEATAS BUNTALAN KEMUDIAN BERPOSES SEPERTI PEMAIN BOLA MENENDANG PENALTI KEMUDIAN MENENDANG BUNTALANNYA KEDEPAN “Siuuuuuuuuuuuuuu” (BERSELEBRASI CRITIANO RONALDO).

Han muar aku tu kam. Bilang inya aja nang pamacalnya.

 

Nah ni jar Nartu Lah wayah maanu kawannya, SATU KAKI DIANGKAT KEATAS KURSI SAMBIL MENUNJUK-NUNJUK KEARAHNYA “hoyyy Yuga ikam ini awak halus kontet, manusia di picik tuhan, awak hirang muha barubuyan jerawat. Sini minta duit ku tukarkan skin care nah yang mereknya parudan. Supya kinclong jua”.

Nah kaitu kam nartu ni ada jua pas di dihalaman sakulah

“Oy Yuga. Kesini!” Datang si yuga  “Amun ikam bahira tu. babasuh, awak bau hangit, bau gardu, siup urang sa dunia akhiratan mencium bau ikam”.

”Sudah awak bau, bahira kada babasuh, mun kada bisa mambasuh, sini nah mambasuh akan (BERGAYA SEPERTI MENCEBOK BAB)” imbah itu mahamput  nartu lawan banyu mineral wadah si yuga. Han nartu kalaliwaran

 

SAMBIL BERGANTI KE PAKAIAN GURU “oy Yuga ikam ini ini ini ini, Oy Yuga ikam itu itu itu itu, Oy Yuga Ikam ini, ikam itu, ini, itu”

kada beampihan si Nartu ini menyambati si Yuga. Tiada hari tanpa meulu-ulu, menjahili si Yuga kawan sakalasnya saurang. Bila nya istirahat kah, pas belajaran kah ingganya kana tarus si Yuga ini disambatinya. Sampai pas ujian tengah semester kah. Tatap haja ngaran si Nartu ni bakalakuan meanui si Yuga.

 

Ngarannya aku ni Gurunya wajib ku tagur si Nartu ini.

“ Nartuuuuuuu. Jangan bikin keributan dikelas. Kita lagi ujian. Kalau masih mengganggu orang lain, bapak keluarkan dari kelas ini”. Kusang kusur si Nartu ini ku perhatikan muhanya tarus.

“ayooo nartuuuu, tuntung akan soal ikam jangan maurusi urang gawian”

ku perhatikan lah kada sing jawaban soal nartu ngini. Imbah bulikan sakulah kalinya di pinggir jalan si nartu ini mengacak ka kerah baju si Yuga. Handak di apainyakah, pas inya melihat guru, bukah mencincing. Kada balalihat lagi di jalan. Pas di ranjah paman pentol, hibak awak yuga lawan kuah tomat, tahunya iya jua, sudahnya pentol. Kacalakaan si Nartu ini. SAMBIL MELEPAS PAKAIAN GURU MENJADI IBUNYA NARTU

 

Imbah dibawa karumah sakit, saikung-ikung kadada kawanannya nang mailangi, inya banyak kada katuju wan kalakuan si nartu, kawanannya ada yang takutan, ada yang kada handak beparak, kawanan nang ada itu lantaran kada wani narai wan inya. Ih sakalinya ada nang ma ilangi yaitu si Yuga nang rancak dirundungnya, kada bailang aja membawakan ka makanan hagan si Nartu ngini. Imbah si yuga bailang, sebagai umanya nartu aku padahi ae anakku si nartu ni.

 “Haaannn tu.   Hannn tuuuu. Hann nartuuuu. Inya bila katuju mahulut, maanu, marundung atawa membully urang tu kedada yang hakunnya mengawani, aku dipadahi guru ikam tu ae, untung si yuga ini urangnya baik, dimaafkannya ikam di ilanginya ikam, ikam kadada untungnya menjahili urang, ni tie adalah nang mailangi ikam kecuali si yuga. Jaka yuga tu lah bepadah wan abahnya habis am ikam, abahnya tu satpam komplek sini kalu dirungkam sidin apa habar ikam nartu”

 

“Atawa ada nang malapur akan ikam kapulisi, PANJARAAA nakae, imbah ini ampih-ampih lah nak lah”. DARI PAKAIAN IBU BERGANTI KEMBALI KEPAKAIAN SATPAM akhirnya nartu ini kada bisa lagi mambuli marundung urang lain tarmasuk si yuga anakku. Yuga ada aja bakisah wan ulun tapi ulun padahi wan anak ulun ini supaya memaafkan urang lain, yakin aja kebaikan selalu membawa kebaikan dan kejahatan selalu melahirkan kejatahan eh Kejahatan maksudnya.   Jam berapa sudah ini handak bakuliling lagi nah jaga keamanan. Nah ulun minta maaf minta halal minta ridho lah bila ada tasalah pandir

 

(PANTUN PENUTUP :  wadah kita ada warik bukantan, di irian jawa ada burung cendrawasih, minta maaf kita berelaan, cukup sekian wan terima kasih)

 

WASSALAMU ALAIKUM WARAHMATULLAHI WA BAROKATUH